Нова Алтернатива најостро го осудува денешното однесување на советниците на Христијан Мицкоски во Град Скопје. Поради личните хирови на Христијан Мицкоски денес 1300 вработени во ЈСП останаа без плата, а вработените останаа без начин како да ги прехранат своите семејства.
На денешната вонредна седница на Советот на Град Скопје без да образложат зошто Советниците на ВМРО-ДПМНЕ гласаа воздржано за субвенциите од Град Скопје кон ЈСП кои требаа да овозможат нормално функционирање на градското претпријатие и редовна исплата на платите кон вработените.
Се поставува прашањето како било кој од советниците на ВМРО-ДПМНЕ утре ќе побараат глас и поддршка од граѓаните кога денес го оставија главниот град без јавен превоз, кога оставија 1000-ци семејства без парче леб само за да ги задоволат каприците на својот лидер.
Со кој образ Трајко Славевски, Марија Андоновска, Луке Галевски, Стефан Андонов, Владимир Неловски и останатите советници на ВМРО-ДПМНЕ ќе одат од врата на врата да ја бараат поддршката од скопјани на наредните избори.
Очигледно се работи за луѓе без образ и без срам, но и без срце и душа затоа што на минусни температури, во период кога граѓаните имаат најголеми трошоци тие оставија половина милион луѓе без јавен превоз, а вработените во ЈСП без тешко заработената плата.
